नेप्से परिसूचकमा व्यापक गिरावट आउँदा कारोबार रकम ६ अर्बमा सीमित, उपसूचकहरूको हालत के छ ?

काठमाडौं । साताको पहिलाे कारोबार दिन आज  नेप्से परिसूचकमा उच्च   गिरावट आएको छ ।

नेपाल स्टक एक्सचेञ्ज (नेप्से) का अनुसार आज ५४ दशमलव ६२ अङ्कले बजार घटेको छ । योसँगै नेप्से परिसूचक दुई हजार ६१४ दशमलव ६८ विन्दुमा ओर्लिएको छ ।

नेप्से परिसूचकमा निरन्तर गिरावट आउँदा कारोबार रकममा पनि उच्च गिरावट आएको छ ।

आज आइतबार  कुल ३१७ कम्पनीको १ कराेड २३ लाख  ७१ हजार २८०  कित्ता शेयर ७२ हजार २६५ पटक खरिदबिक्री हुँदा कुल ६ अर्ब ३२ करोड ०१ लाख ४१ हजार ३६५ रुपैयाँबराबरको कारोबार भएको छ ।

४२ करोड रुपैयाँभन्दा बढीसहित कारोबार रकममा हिमालयन रिइन्सुरेन्स अग्रस्थानमा रहेको छ ।यसैगरी, दोस्रो र तेस्रो स्थानमा क्रमशः एनआरएन इन्फ्रास्ट्रक्चर र नेपाल पुनर्बिमा कम्पनी परेका छन् ।