नयाँ स्टक एक्सचेञ्जको लाइसेन्स रोक्न परेको रिट सर्वोच्चले गर्‍याे खारेज

काठमाडौं । सर्वोच्च अदालतले नयाँ स्टक एक्सचेञ्जको लाइसेन्स रोक्न माग गर्दै गरेकाे दायर रिट खारेज गरेको छ ।

योसँगै नयाँ स्टक लाइसेन्स वितरणको बाटो खुला भएको हो ।

बुधबार प्रधान न्यायाधीश प्रकाशमान सिंह राउत, न्यायाधीश सपना प्रधान मल्ल, कुमार रेग्मी, हरिप्रसाद फुयाल, र डा। मनोजकुमार शर्माको संवैधानिक इजलासले अधिवक्ता कृष्णबहादुर थापा लगायतले दायर गरेको रिट खारेज गरेको हो ।

नयाँ स्टक एक्सचेन्जको अनुमति प्रक्रिया रोक्न माग गर्दै थापाले सर्वोच्चमा रिट दायर गरेका थिए । रिटमा नेपाल धितोपत्र बोर्ड, अर्थ मन्त्रालय र प्रधानमन्त्री तथा मन्त्रिपरिषद्को कार्यालयलाई प्रतिवादी बनाइएको थियो । उक्त रिट खारेज भएको हो ।