क्रेस्ट माइक्रो लाइफ इन्स्योरेन्सको साधारण शेयर नेप्सेमा सूचीकृत

काठमाडौं । क्रेस्ट माइक्रो लाइफ इन्स्योरेन्सको साधारण शेयर नेपाल स्टक एक्सचेञ्ज  (नेप्से) मा सूचीकृत भएको छ ।

कम्पनिले चैत २७ गते प्रति शेयर अंकित मूल्य १०० कायम भएको ७५,००,००० कित्ता साधारण शेयर नेपाल स्टक एक्सचेञ्ज (नेप्से)मा सूचीकरण  गरेको हो ।

कम्पनीले सर्वसाधारणका लागि एनआइएमवि एस क्यापिटल लिमिटेड (धितोपत्र निष्काशन तथा बिक्री प्रबन्धक) मार्फत साधारण शेयर खुल्ला बिक्री आव्हान गरेको थियो ।

जसअनुसार सर्वसाधारण लगानीकर्ता शेयरधनीहरू (वैदेशिक रोजगारीमा रहेका नेपाली, सामूहिक लगानी कोष र कर्मचारीहरू समेत) लाई २२,५०,००० कित्ता (३०%) र कम्पनीका संस्थापक शेयरधनीहरूले लगानी गरेको ५२,५०,००० कित्ता (७०%) गरी कुल ७५,००,००० कित्ता (१००%) साधारण शेयर धितोपत्र सूचीकरण विनियमावली, २०७५ बमोजिम मिति २०८१/१२/२६ गतेको निर्णयानुसार सूचीकरण गरेकाे छ ।

धितोपत्र सूचीकरण सम्झौता सम्पन्न भएको दोस्रो कारोबार दिनदेखि  कम्पनीको धितोपत्रको दोस्रो बजार कारोबार सुरु हुनेछ। कम्पनीको प्रधान कार्यालय वीरेन्द्रनगर ६, सुर्खेतमा अवस्थित छ भने सूचीकरणपश्चात् प्रदान गरिने चुक्ता सेवा हिमालयन इन्भेष्टमेन्ट बैंक लिमिटेड, नयाँ बानेश्वर, काठमाडौंबाट उपलब्ध हुने कम्पिनले जनाएकाे छ ।