शेयर बजारमा देखियो सुधार, नेप्से फेरि २६०० मै फर्कियाे

काठमाडाैं । शेयर बजारमा ४ दिनको लगातार गिरावटपछि सोमबार केही सुधार देखिएको छ ।

नेप्से सूचक सोमबार ८ दशमलव १३ विन्दुले बढेर २६०४ दशमलव ११ अंकमा आएको छ ।

आजको कारोबारमा विभिन्न ३२५ कम्पनीका एक करोड ७५  लाख ८७ हजार ३६ कित्ता शेयर ६ अर्ब ४७ करोड १९ लाख ५२ हजार ६७८ मा किनबेच भएको नेप्सेले जनाएको छ ।

आज जोशी हाइड्रोको सेयर मुल्य सबैभन्दा बढी ९.९८ प्रतिशतले बढेको छ । पन्चकन्यामाई हाइड्रोको ९ दशमलव  ४२  प्रतिशतले बढेको छ ।

त्यस्तै आज गुँरास लघुवित्तको शेयर मुल्यमा नकारात्मक सर्किट लागेको छ । त्यस्तै आज पियोर इनर्जीको शेयर मुल्यमा ५.६८ प्रतिशतले घटेको छ ।

आज सबै भन्दा बढी कारोबार राढ़ी विद्युत कम्पनीको शेयर ५२ करोड १८ लाख बराबरको कारोबार भएको नेप्सेले जनाएको छ ।