उकालो लाग्न थाल्यो शेयर बजार, नेप्सेमा २८ अंकको वृद्धि

काठमाडौं । नेप्से परिसूचकमा आजपनि वृद्धि भएको छ ।

आज नेप्से २८ दशमलव ९१ अंकले बढेर २६६० दशमलव ३९ विन्दुमा कायम भएको छ ।

आजको कारोबारमा विभिन्न ३०९ कम्पनीका एक करोड ५७  लाख ६४ हजार एक कित्ता शेयर ७ अर्ब ३ करोड ३० लाख ५० हजारमा किनबेच भएको नेप्सेले जनाएको छ ।

आज सामुदायिक लघुवित्तको सेयर मुल्य सबैभन्दा बढी ९ दशमलव ८७ प्रतिशतले बढेको छ भने न्यादी हाइड्रोको शेयर ९ दशमलव ८७ प्रतिशतले र वरुण हाइड्रोको शेयर मुल्य ८ दशमलव ४१ प्रतिशतले बढेको छ ।

त्यस्तै आज युनिलिभरको शेयर मुल्य सबैभन्दा बढी २ दशमलव १३ प्रतिशतले घटेको छ ।

आज सबै भन्दा बढी कारोबार एनआरएन इन्फ्रास्ट्रकचर डेभलपमेन्ट लिमिटेकोको शेयर ४६ करोड १६ लाख बराबरको कारोबार भएको नेप्सेले जनाएको छ ।