दोहोरो अंकले बढ्यो नेप्से परिसूचक

काठमाडौं । धितोपत्र बजारमा शेयर कारोबार मापक नेपाल स्टक एक्सचेन्ज (नेप्से) परिसूचक आज दोहोरो अंकले बढेको छ । आज नेप्से १२ दशमलव ७३ अंकले घटेर दुई हजार ८८ दशमलब ७० विन्दुमा पुगेको छ । सोमबार नेप्से २१ दशमलव ३२ अंकले घटेर दुई हजार ७५ दशमलव ९७ विन्दुमा झरेर बन्द भएको थियो ।

बजार बढेपनि कारोबार रकममा भने गिरावट आएको छ । आज दुई अर्ब ५७ करोड ६१ लाख बराबरको कारोबार भएको छ । सोमबार नेप्सेमा चार अर्ब ५ करोड १० लाख बराबरको कारोबार भएको थियो ।

बजारमा कारोबार भएका १४५ कम्पनीको शेयरमूल्य बढेको छ भने ७२ कम्पनीकोे शेयरमूल्य घटेको छ । नौं वटा कम्पनीको शेयरमूल्य स्थिर रहेको छ । आज एक कम्पनीको शेयरमूल्यमा उच्च वृद्धि भएको छ । सिटी होटल्सको शेयरमूल्य ९ दशमलव ९८ प्रतिशतले बढेर प्रतिकित्ता ५५९ दशमलव ७० रुपैयाँ पुगेको छ ।

आज सबैभन्दा बढी बिपिडब्लु लघुवित्त कम्पनीका लगानीकर्ताले सर्वाधिक गुमाएका छन् । यसको शेयरमूल्य आज ९ प्रतिशत भन्दा बढीले घटेको छ । नेप्सेका अनुसार कारोबारको आधारमा आज सबैभन्दा बढी नागरिक लगानी कोषको भएको छ । यस कम्पनीको आज १२ करोड १७ लाख रुपैयाँ भन्दा बढीको कारोबार भएको छ ।