हिरासतमा सुतेका रवि लामिछानेकाे फोटो खिच्ने निकोलस भुसाल पक्राउ

काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछाने जिल्ला प्रहरी कार्यालय कास्कीको हिरासतमा सुतिरहेको फोटो खिचेर सार्वजनिक गर्ने डा.निकोलस भुसाल पक्राउ परेका छन् ।

डा. भुसाललाई आइतबार साँझ उपत्यका अपराध अनुसन्धान कार्यालयले काठमाडौंबाट पक्राउ गरेको बताइको छ । उनलाई कास्कीमा लगेर अनुसन्धान गरिने बताइएको छ ।

उनलाई साइबर क्राइम सम्बन्धी विषयमा अनुसन्धान हुनेछ ।

लामिछानेको स्वास्थ्य जाँचका लागि हिरासतमा गएका बेला फोटो खिचेको उनले स्वीकार गरेका थिए । सुरुमा आफ्नो फेसबुक पेजमा फोटो राखेर पछि उनले डिलिट गरेका थिए ।