एनआईमबी एस क्यापिटललाई ‘मर्चेन्ट बैंक अफ द इयर अवार्ड’ (भिडिओ)

काठमाडौं । एनआईमबी एस क्यापिटल लिमिटेडले ‘मर्चेन्ट बैंक अफ द इयर अवार्ड, २०२५’ प्राप्त गरेको छ ।

कर्पोरेट म्यागजिनले कम्पनीलाई सो अवार्ड प्रदान गरेको हो ।

बिहीबार काठमाडौंको लाजिम्पाटस्थित र्‍याडिसन होटेलमा आयोजित ‘कर्पोरेट बिजनेश अवार्ड, २०२५’ समारोहमा कम्पनीलाई सो अवार्ड प्रदान गरिएको कर्पोरेट म्यागजिनका संस्थापक सम्पादक उज्वलजंग शाहले जानकारी दिनुभयो ।

कार्यक्रमका प्रमुख अतिथि रक्षामन्त्री मानवीर राई, अवार्ड छनोट समिति संयोजक तथा नेपाल उद्योग वाणिज्य महासङ्घ (एफएनसीसीआई) की पूर्वअध्यक्ष भवानी राणा, कर्पोरेट मिडियाकी उपाध्यक्ष सुष्मा महरालगायतले कम्पनीका नायब प्रमुख कार्यकारी अधिकृत (डीसीईओ) सचिन्द्र ढुंगानालाई अवार्ड प्रदान गर्नुभएको थियो ।

एनाआईएमबी एस क्यापिटलबारे

काठमाडौंको लाजिम्पाटमा मुख्य कार्यालय रहेको ‘एनआईएमबी एस क्यापिटल लिमिटेड’ नेपाल इन्भेष्टमेन्ट बैंक र मेगा बैंक नेपाल मर्जर भई बनेको नेपाल इन्भेष्टमेन्ट मेगा बैंक (एनआईएमबी) को पूर्ण स्वामित्वमा रहेको मर्चेन्ट बैंक हो । हाल सचिन टिब्रेवालको अध्यक्षतामा सञ्चालित कम्पनीमा शिवान्थबहादुर पाण्डे प्रमुख कार्यकारी अधिकृत (सीईओ) हुनुहुन्छ ।

यो कम्पनीले मर्चेन्ट बैंकिङ, परामर्श, सम्पत्ति व्यवस्थापन सेवा तथा डिपोजिटरी सहभागी सेवा प्रदान गरी लगानीकर्तालाई जोखिम र प्रतिफलको सन्तुलन व्यवस्थापन गर्दै लक्ष्य प्राप्तीमा सहयोग पुर्‍याउँदै आएको छ । धितोपत्र बोर्डबाट इजाजतपत्र प्राप्त मर्चेन्ट बैंकरको रूपमा कम्पनीले आईपीओ जारी तथा बिक्री व्यवस्थापन, शेयर रजिस्टार, डिम्याट सेवा, प्रत्याभूति सेवा र लगानी व्यवस्थापन सेवाहरू प्रदान गर्दै आएको छ । एनआईएमबी एस क्यापिटलले सन् २०१४ मा नेपालको पहिलो म्युचुअल फण्ड योजना र २०१९ मा पहिलो खुलारूपी म्युचुअल फण्ड लञ्च गरेको थियो ।

कम्पनीले हालसम्म ४१ लाखभन्दा बढी ग्राहकहरूलाई सेवा प्रदान गरी सेवालाई थप विस्तार गरिरहेको छ । यस्तै, ५० हजारभन्दा बढी डिम्याट खाताहरू व्यवस्थापन गर्नुका साथै दुई सयभन्दा बढी आईपीओ/एफपीओ जारी गरिसकेको छ ।

एनआईएमबी एस क्यापिटलले प्राइभेट इक्विटी र भेन्चर क्यापिटल फण्ड प्रबन्धकको रूपमा समेत धितोपत्र बोर्डबाट इजाजतपत्र प्राप्त गरेको छ । कम्पनीले १० अर्ब रुपैयाँभन्दा धेरैको लगानी क्षमता रहेको प्राइभेट इक्विटी फन्ड ‘एनआईबीएल इक्विटी पार्टनर्स’को व्यवस्थापन पनि गर्दछ ।

सन् २०११ मा तत्कालीन नेपाल इनभेष्टमेन्ट बैंकको स्वामित्वमा स्थापना भएको एनआईबीएल क्यापिटल सन् २०१८ मा एनआईबीएल क्यापिटल र एस क्यापिटल गाभिएर ‘एनआईएमबी एस क्यापिटल’ बनेको थियो ।

हेर्नुहोस् भिडिओ–