नेपाल पत्रकार महासंघको मतगणना जारी, शर्मा ४४ मतले अगाडि

काठमाडौँ । नेपाल पत्रकार महासंघको निर्वाचन पश्चात मतगणना जारी छ ।

जारी मत गणनामा अध्यक्षको उम्मेदवार निर्मला शर्मा ४४ मतले अघि रहेकी छिन् । प्राप्त पछिल्लो परिणाम अनुसार शर्माले ३४४ मत प्राप्त गरेकी छिन् भने अर्का उम्मेदवार रमेश विष्टले ३०० मत पाएका छन् ।

निर्वाचनमा नेपाली कांग्रेसनिकट प्रेस युनियन र नेकपा एमाले निकट प्रेस चौतारीबीच गठबन्धन भएको छ । नेकपा माओवादी केन्द्र निकट प्रेस सेन्टरसहित विभिन्न ६ संगठनले अध्यक्षमा युनियनका बागी रमेश विष्टलाई समर्थन गरेका छन्।

निर्वाचनमा अध्यक्षका लागि देवीप्रसाद सापकोटा, निर्मला शर्मा, रमेश विष्ट र लालसिंह लामाबीच प्रतिस्पर्धा भएको छ ।