सत्यम्’मा राजेशकी श्रीमती बन्दै निरुता सिङ

पोखरा कात्तिक २१ ,तिहार अगाडि वर्कशप सम्पन्न गरेको चलचित्र ‘सत्यम्’ टिम अब चाँडै छायांकनमा जाने तयारीमा छ । तर, चलचित्रका लागि अझै केही कलाकार भने फाइनल गरिएको छैन । चलचित्रमा नायक पल शाह र नायिका मलिका महत प्रेमी-प्रेमिकाको रुपमा देखिँदैछन् । यस्तै, चलचित्रमा खलपात्रको रुपमा नायक अनुपविक्रम शाहीले काम गर्दैछन् ।

चलचित्रका लागि राजेश हमालको अपोजिटमा दुई नायिकाको आवश्यकता पर्ने निर्देशक शंकर कार्कीले बताए । उनका अनुसार राजेशकी प्रेमिकाको रुपमा मोडल नीलम चन्दलाई फाइनल गरिएको छ । नीलम ‘कल कान्तिपुर’की भीजे हुन् । यस्तै, उनले म्युजिक भिडियोमा पनि अभिनय गरेकी छन् ।

यस्तै, राजेशकी श्रीमतीको रुपमा भने नायिका निरुता सिंहलाई अफर गरिएको छ । निर्देशक कार्कीले निरुता सिंह सकारात्मक भए पनि पक्का भने भइनसकेको जानकारी दिए