बजारमा तरलता अभावको संकेतपछि फेरि २० अर्ब पठाउँदै राष्ट्र बैंक

काठमाडौं। नेपाल राष्ट्र बैंकले बिहीबार २० अर्ब रुपैयाँ बजारमा प्रवाह गर्ने भएको छ।

बैंकहरुमा तरलता अभाव बढ्न थालेपछि राष्ट्र बैंकले रिपोमार्फत प्रणालीमा २० अर्ब रुपैयाँ पठाउन लागेको हो।

राष्ट्र बैंकले बैंक तथा वित्तीय संस्थासँग भएको ट्रेजरी बिल धितो राखेर ऋण दिने मौद्रिक औजार रिपो हो। बैंक वित्तीय संस्थालाई १४ दिनको रिपो दिन लागिएको हो।

पछिल्ला दिन बैंकहरुमा तरलता अभाव सुरु भएको छ। औषत कर्जा-निक्षेप अनुपात (सीडी रेसियो) ८५ प्रतिशत रहेपनि १० बैंकको ९० प्रतिशत नजिक छ। केही दिनअघि पनि आउट राइट पर्चेजमार्फत राष्ट्र बैंकले बजारमा पैसा पठाएको थियो।