पोखरा एनसेल नेपाल सुपर लिगको प्लेअफमा, बुटवल २–० ले पराजित (तस्बिरहरू)

काठमाडौं । पोखरा थन्डर्स एफसी एनसेल नेपाल सुपर लिग (एनएसएल) फुटबल प्रतियोगिताको प्लेअफमा पुगेको छ ।

मङ्गलबार दशरथ रङ्गशालामा भएको खेलमा बुटवल लुम्बिनी एफसीलाई २–० गोलले पराजित गर्दै पोखराले शीर्ष चारमा स्थान पक्का गरेको हो ।

पोखराका लागि आयुष घलानले दशौं मिनेटमा पहिलो गोल गरे । बियान्सी विलियम्सले ५८ मिनेटमा अग्रता दोब्बर पारेका थिए ।

जितसँगै पोखराले ६ खेलबाट ८ अङ्क जोडेको छ ।

यसअघि शीर्ष स्थानको धनगढी एफसी र दोस्रो स्थानको ललितपुर सिटी एफसीले पनि प्लेअफमा स्थान बनाएका थिए ।

धनगढी र ललितपुर दुवैले पाँच पाँच खेलबाट ११–११ अङ्क जोडेका थिए ।