भोलीदेखि टेलिकमको ‘विन्टर अफर’, के–के छन् विशेषताहरु

काठमाडौँ । नेपाल टेलिकमले भाेलीदेखि लागु हुने गरी विन्टर अफर सार्वजनिक गरेको छ । जस अन्तर्गत विभिन्न आकर्षक प्याकहरु उपलब्ध हुने टेलिकमले बिहीबार जारी गरेको विज्ञप्तिमा उल्लेख छ ।

टेलिकमका अनुसार यस अघि उपलब्ध भइरहेको फोरजी डाटा अफरलाई अझै आकर्षक बनाइएको छ । यस अनुसार १ दिनको समयावधिका लागि रु १९ मा ४०० एमबी र रु ३३ मा १२०० एमबी डाटा उपलब्ध हुनेछ । त्यसैगरी ७ दिनको समयावधिका लागि लागि रु। १०९ मा ५ जीबी र २८ दिनको समयावधिका लागि रु २९८ मा ७ जीबी डाटा उपलब्ध हुनेछ ।

यस्तै स्टे कनेक्टेड प्याक अन्तर्गत ५ दिनको समयावधिका लागि रु १०९ मा ६ जीबी डाटा तथा रु १३९ मा ६ जीबी डाटा र १७० मिनेट अन–नेट भ्वाइस उपलब्ध हुनेछ । त्यसैगरी २ घण्टाको समयावधिका लागि रु ३५ मा अनलिमिटेड प्याक उपलब्ध हुने प्रवक्ता शोभन अधिकारीले जानकारी दिए ।

यसअघि उपलब्ध अल टाइम भ्वाइस प्याक, अनलिमिटेड प्याक, डाटा प्याक, सोसल मिडिया प्याक, स्टे कनेक्टेड प्याक, एसएमएस प्याक, एमटुएम प्याक लगायतका विभिन्न आकर्षक प्याकहरु समेत अफरमा उपलब्ध हुनेछ । त्यसैगरी नेपाल टेलिकम एप डाउनलोड गर्दा उपलब्ध हुने १ जीबी डाटा प्याक पनि निरन्तर रुपमा उपलब्ध हुनेछ ।