आइतबार, वैशाख ६, २०८३
कर्पोरट खबर
9:41 am, बिहीबार, भदौ ३०, २०७९
काठमाण्डौ । अन्तर्राष्ट्रिय बजारमा कच्चा तेलको भाउ बिहीबार फेरि उकालो लागेको छ।
लगातार घटिरहेको कच्चा तेलको भाउ आज प्रारम्भिक कारोबारमा उकालो लागेको हो। विश्वकै ठूलो अर्थतन्त्रमा तेलको आपूर्तिमा आउन सक्ने अवरोध र रेलवे सेवा बन्द हुने डरबीच कच्चा तेलको भाउ उकालो लागेको विश्लेषकहरु बताउँछन्।
अन्तर्राष्ट्रिय बजारमा बिहीबार प्रारम्भिक कारोबारमा ब्रेन्ट कच्चा तेल ३८ सेन्ट बढेर प्रतिब्यारेल ९४.४८ डलर पुगेको छ। अमेरिकी वेस्ट टेक्सास इन्टरमिडिएट (डब्ल्यूटीआई) ४६ सेन्टले बढेर ८८.९४ डलर प्रतिब्यारेल पुगेको छ।
अमेरिकामा रेल मजदुरहरुको युनियनले आफ्ना माग पूरा गर्न हड्ताल गर्न सक्ने बताइएको छ। जसका कारण अमेरिकामा कच्चा तेलको आपूर्तिमा बाधा पुग्ने सम्भावना छ। यही कारणले तेलको मूल्य बढेको विश्लेषकहरु बताउँछन्।
अन्तर्राष्ट्रिय बजारमा कच्चा तेलको भाउ बढेपछि त्यसकाे प्रत्यक्ष असर विश्व बजार सहित नेपालमा पनि पर्ने गर्दछ । यससंगै अब पेट्राेलियम पदार्थकाे मूल्य विश्व बजारमा बढन सक्दछ । सँगै नेपालमा पनि बढछ ।
–एजेन्सी
