निगमले बढायो पेट्रोलको मूल्य

काठमाडौं । नेपाल आयल निगमले इन्धनको मूल्य बढाएको छ ।

सोमबार बिहान एक बजेबाट लागू हुने गरी पेट्रोलको मूल्य बढाएको हो । पेट्रोलको मूल्य लिटरमा चार रूपैयाँ बढाएको निगमले जनाएको छ । अन्य पेट्रोलियम पदार्थको मूल्य स्थिर राखेको छ ।

पेट्रोलको प्रतिलिटर मूल्य १७५ पुगेको हो । निगमको सञ्चालक समितिको आजको निर्णयअनुसार सोमबारदेखि नयाँ मूल्य लागू हुनेछ ।

निगमले नयाँ खरिद मूल्यअनुसार पेट्रोलको मूल्य प्रतिलिटर चार रुपैयाँ ७६ पैसाले बढेर आएको हो । निगमले अन्य पेट्रोलियम पदार्थको बिक्री मूल्य हाललाई यथावत् रहेको निगमद्वारा जारी विज्ञप्तिमा जनाइएको छ ।

पहिलो वर्गअन्तर्गत चारआली, विराटनगर, जनकपुर, भलवारी, नेपालगञ्ज, धनगढी र वीरगञ्जमा पेट्रोलको प्रतिलिटर मूल्य रुपैयाँ १७२ रुपैयाँ ५० पैसा रहेको छ । यस्तै, दोस्रो वर्गअन्तर्गतका काठमाडौँ, पोखरा र दिपायल जिल्लामा प्रतिलिटर १७४ मूल्य कायम गरिएको छ ।