मंगलबार ३ सय कोभिड बिरामी थपिए, ४ जनाको मृत्यु

काठमाडौं । पछिल्लो २४ घण्टामा मंगलबार मुलुकमा ३७७ जना कोरोनाभाइरस संक्रमित थपिएका छन्। स्वास्थ्य तथा जनसंख्या मन्त्रालयका अनुसार देशभर गरिएको ६ हजार ५०५ पीसीआर र २ हजार ६४४ जनाको एन्टीजेन परीक्षण गर्दा ३७७ जनामा संक्रमण पुष्टि भएको हो ।

पछिल्लो २४ घण्टामा १७० जना संक्रमणमुक्त भएका छन् भने ४ जनाको मृत्यु भएको छ । गत २४ घण्टामा ७९ हजार ५६९ जनाले कोभिडविरुद्धको खोप लगाएका छन् । मन्त्रालयका अनुसार कुल संक्रमितको संख्या ८ लाख १७ हजार ६७२ जना पुगेको छ भने कुल संक्रमितमध्ये ७ हजार ४७६ जना सक्रिय संक्रमित छन्।

यो सँगै देशभर निको हुनेको संख्या ७ लाख ९८ हजार ७१४ पुगेको छ। हालसम्म कोरोना संक्रमणबाट मृत्यु हुनेको संख्या ११ हजार ४८२ पुगेको छ।