जन्ती बस दुर्घटना हुँदा एक जनाको मृत्यु

पोखरा  मंसिर २१,। रुकुम पश्चिममा जन्ती बोकेको बस हिजो बेलुका दुर्घटना हुँदा एक जनाको मृत्यु भएको छ ।

मृत्यु हुनेमा मुसिकोट नगरपालिका–१ घिमानेका ६७ वर्षका बुधुराम खड्का रहेका छन् । उनको उपचारका लागि नेपालगञ्ज लैजाँदै गर्दा मृत्यु भएको प्रहरीले जनाएको छ ।

बाँफिकोट गाउँपालिका–२ पिपलबाट दुलही लिएर मुसिकोट नगरपालिका–५ घिमाने जाँदै गरेको ग १ ख २१०९ नम्बरको बस मुसिकोट नगरपालिका–२ रातामाटामा हिजो बेलुका दुर्घटना भएको हो ।

दुर्घटनामा घाइते भएकामध्ये २१ जनाको जिल्ला अस्पताल रुकुम पश्चिम लगिएको थियो ।

प्रहरीका अनुसार १५ जना डिस्चार्ज भइसकेको र चार जनालाई नेपालगन्ज पठाइएको छ ।