प्यालेस्टिनी क्षेत्रमा गरिबीको दर उच्च

काठमाडौं । लामो समय सम्म चलेको द्वन्द्वले प्यालेस्टिनी क्षेत्रहरूमा गरिबीको दर यस वर्ष लगभग दोब्बर भइ ७४ दशमलव ३ प्रतिशतमा पुगेको संयुक्त राष्ट्रसंघीय विकास कार्यक्रम (यूएनडीपी) ले मंगलबार जारी गरेको प्रतिवेदनले जनाएको छ ।

युएनडिपीका प्रमुख अचिम स्टेनरले युद्धको प्रभाव भौतिक पूर्वाधार विनाशमा मात्र नभई गरिबी, जीविकोपार्जन लगायतका क्षेत्रमा समेत परेको बताएका छन् ।

सन् २०२३ को अन्त्यमा ३८ दशमलव ८ प्रतिशत रहेको गरिबीको दर यस वर्ष २ दशमलव ६१ मिलियन प्यालेस्टिनीहरू गरिबीमा पर्दा गरिबीको सङ्ख्या ४ दशमलव १ मिलियनमा पुगेको जनाइएको छ । यो विनाशले प्यालेस्टाइनलाई विकासको मार्गमा दशकौँ पछाडि पारेको स्टेनरले उल्लेख गरेका छन् ।

यो सँगै यो वर्ष प्यालेस्टिनी क्षेत्रमा बेरोजगारीदर ४९ दशमलव ९ प्रतिशतले बढ्ने र गाजामा जीडीपी ३५ दशमलव १ प्रतिशतले कम हुने अध्ययनले जनाएको छ ।

उनका अनुसार प्रत्येक वर्ष मानवीय सहायता प्रदान गर्न सकिएमा प्यालेस्टिनी अर्थव्यवस्थालाई छिटै संकट मुक्त गर्ने सकिने सम्भावना भने अझै जिवितै छ ।