स्रोत नखुलेको साढे चार लाखसहित एक जना पक्राउ

मोरङ । स्रोत नखुलेको रकमसहित एक जना पक्राउ परेका छन् । बिराटनगर महानगरपालिका ११ पाञ्चाली मोडबाट स्रोत नखुलेको ४ लाख ६२ हजार ५ सय नेपाली रूपैयाँसहित सोही महानगरपालिका १५ बस्ने ४३ वर्षीय अनिल यादवलाई आइतबार दिउँसो प्रहरीले पक्राउ गरेको छ ।

कोशी प्रदेश प्रहरी कार्यालय बिराटनगरबाट खटिएको प्रहरीले बिआर ३३ जेड ९७९६ नम्बरको मोटरसाइकलमा सवार रहेका यादवलाई उक्त नगदसहित फेला पारी पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।