प्रायः कार्यक्रममा नदेखिने पारस ‘हिमानी ट्रस्ट’को चियापानमा

सामाजिक गतिविधिमा सक्रिय पूर्वयुवराज्ञी हिमानी शाहले  सञ्चालन गरेको ‘हिमानी ट्रस्ट’ ले काठमाडौंको सोल्टी होटलमा चियापान कार्यक्रम सम्पन्न गरेको छ  ।

दसैँ, तिहार र छठको उपलक्ष्यमा कोषले कला, खेलकुद तथा साहित्यिक योगदान दिएका व्यक्तित्वलाई सोल्टी होटलमा आयोजित चियापान कार्यक्रममा बोलाइएको थियो  ।

हिमानी ट्रस्टले आयोजना गरेको कार्यक्रममा पूर्वराजा ज्ञानेन्द्र वीरविक्रम शाह, पूर्वयुवराज पारस शाहको  उपस्थित रहेको  थियो  । प्रायः कार्यक्रममा नदेखिने पारस यस पटक भने ट्रस्टले आयोजना गरेको कार्यक्रममा उनी उपस्थित थिए  ।

हिमानीले ट्रस्टका पदाधिकारीहरूसँगै   औपचारिक सारी चोलो  ड्रेसमा  लाइनमा उभिएर आगन्तुकको स्वागत गरेकी थिइन् भने पारस सट पाइन्ट र कोर्ट मा देखिएका  थिए ।

कार्यक्रममा कलाकार भुवन केसी, शिव श्रेष्ठ, कृष्ण मल्ललगायत पनि उपस्थित थिए ।