तस्बिरमा हेर्नुहोस् साउनको पहिलो सोमबार, पशुपतिलगायत देशभरका मठमन्दिरमा के–के भए ?

काठमाडौं । सौरमासअनुसार पहिलो साउने सोमबारको व्रत आजदेखि सुरू भएको छ ।

आज साउन ७ गते सोमबार सौर र चान्द्रमास दुवैअनुसार पहिलो सोमबार परेको छ ।

नेपाल पञ्चाङ्ग निर्णायक विकास समितिका सदस्य एवं धर्मशास्त्रविद् प्राडा देवमणि भट्टराई गुरु पूर्णिमादेखि जनै पूर्णिमासम्मका सोमबार व्रत लिनुपर्ने कुरा निर्णय सिन्धुलगायत ग्रन्थमा उल्लेख गरिएको बताए ।

साउन महिना भगवान् शिवको महिना र सोमबार भगवान् शिवजीको बार भएकाले व्रत बस्ने परम्परा छ । यस दिन विशेषरुपमा आशुतोष भगवान् शिवको पूजा, आराधना गरिन्छ ।

नेपालमा सौरमास अनुसारका सोमबार नै व्रत गर्ने परम्परा रहेको समितिको पूर्वअध्यक्षसमेत रहेका धर्मशास्त्रविद् प्रा डा रामचन्द्र गौतमले बताए । पशुपतिनाथ मन्दिरमा भने चान्द्रमास र सौरमास दुवै अनुसारका साउनको सोमबारका दिनमा भक्तजनको भीड लाग्छ ।

साउन महिनाको सोमबारका दिनमा पशुपतिनाथसँगै काठमाडौं उपत्यकाका साथै देशभरका शिवालयमा आशुतोष भगवाने शिवको पूजा, आराधना गर्न भक्तजनको भीड लाग्ने गर्छ । साउनको पहिलो सोमबारदेखि अन्तिम सोमबारसम्म व्रत गरेका भक्तजनले अन्तिम दिनमा गोदान एवम् पूर्णपात्रदान गरी व्रत समापन गर्ने विधि छ ।

हेर्नुहोस् काठमाडौंको पशुपतिदेखि देशभरका शिवालयहरूमा साउनको पहिलो सोमबार भएका पूजाआजाको दृश्यहरू–

भक्तपुरको दक्षिण–पूर्वीमा अवस्थित सिपाडोल गाउँस्थित डोलेश्वर महादेव मन्दिरमा साउन महिनाको पहिलो सोमबार पूजा आराधना गर्ने भक्तजनको भीड ।

तस्बिरहरू राससबाट लिइएको हो ।