विमान अवतरणका क्रममा पल्टियो, ३ गम्भीर घाइते

काठमाडौं । क्यानाडाको टोरन्टो सहरमा विमान अवतरणका क्रममा पल्टिदा कम्तिमा ३ जना घाइते भएका छन् । अन्तर्राष्ट्रिय सञ्चारमाध्यमका अनुसार घाइतेको अवस्था गम्भीर रहेको छ ।

विमानमा रहेका ८० जनाको उद्धार गरिएको छ । विमान पल्टिएपछि अग्नि नियन्त्रकद्वारा आगो निभाइएको जनाइएको छ ।

क्यानेडियन यातायातमन्त्री अनीता आनन्दले विमानमा रहेका अधिकांश यात्रु सुरक्षित रहेको बताएकी छिन् । दुर्घटनाको थप विवरण आउन बाँकी छ ।