प्लस साइज नेपालको तेस्रो आउटलेट कुमारीपाटीमा, १ डिजाइन ९ वटा भिन्न साइजमा

काठमाडौँ । बसुन्धारबाट सुरु भएको प्लस साइज नेपालले सोमबार आफ्नो तेस्रो आउटलेट कुमारीपाटीमा सुरुवात गरेको छ । काठमाडौँको बसुन्धारा पछि प्लस साइज नेपालले कावासोतीमा दोस्रो आउटलेट खोलेको थियो ।

सामाजिक सञ्जालमा प्रख्यात रहेको प्लस साइज नेपालको ब्राण्डले हाल एक हजार भन्दा धेरै डिजाइनहरु सार्वजनिक गरिसकेको छ भने १ डिजाइन ९ वटा भिन्न साइजहरुमा बनाउँदै आएको छ । इस्मल, मिडियम, लार्ज देखि ६एक्स एल सम्मको साइजमा हरेक डिजाइनका लुगाहरु बनाउँदै आएको छ ।

विष्णु बोहोराले १०० जना भन्दा धेरैलाई रोजगारी दिएर नेपालभर आफ्नो ब्राण्ड फैलाइरहनु भएको छ । प्लस साइज नेपालले आफ्नै डेलिभरी सेवा गुडविल लजिस्टिक पनि सञ्चालन गर्दै आएको छ । देशका अति दुर्गम बाहेक सहरी क्षेत्रभरी होम डेलिभरी सेवा समेत दिँदै आएको छ ।

करिब ५ वर्षको समयकालमा प्लस साइज नेपाललाई ब्राण्ड बनाउन दिन रातको मिहिनेतले मात्र सम्भव रहेको उनले बताए । म्यानपावर व्यवसायी समेत रहनुभएको विष्णु बोहोराले ‘‘तत्कालीन श्रम मन्त्री गोकर्ण विष्टले मलेसियामा प्रतिबन्ध लगाएपछि फुरेको आइडियाले प्लस साइज नेपाल सुरु गरेको बताए । आफ्नो अध्ययनको क्रममा केटि मान्छेलाई प्लस साइजको लुगाको हाइ डिमान्ड र लेस सप्लाई देखिएको कारण उक्त ब्राण्डको सुरुवात गरिएको बताए । साथै प्लस साइज भन्दैमा सबै लुगा प्लस साइजको हुँदैन एकै डिजाइनका ९ वटा साइजहरु बनाउँदै आएका छौँ‘‘ । , उनले भने ।

प्लस साइज नेपालले आफ्नो ब्राण्डको निर्यात समेत सुरुवात गरेको छ । धेरै नभए पनि केहि मात्रामा मलेसियामा लुगाहरु निर्यात गरिएको अध्यक्ष बोहोराले बताए । कुनै मिडिया बाजी अथवा पोलिटिकल सर्पोट बिना व्यापार सञ्चालन गरिरहनु भएको अध्यक्ष बोहोराले टोयटाको फर्चुनर गाडी चलाउने हैसियत बनिसक्दा पनि स्कुटर लिएर आफै डेलिभरी गरेको दिनहरु स्मरण गराए ।

कोभिड १९, लकडाउन, आर्थीक मन्दी, तरलताको अभाव, बैंकको चर्को ब्याजदरका बाबजुद रातदिनको मिहिनेतले व्यापारमा सफलता हासील गरेको बताए । प्लस साइज नेपालमा हाल देशभरीबाट प्रति दिन २०० भन्दा धेरै अर्डरहरु आइरहेका छन भने पसलबाटै पनि राम्रो प्रतिक्रिया सहितको व्यापार भइरहेको उनले बताए ।

अनलाइनमा वर्चश्व बढाएको प्लस साइज नेपालले निकट भविष्यमा नै आफ्नै वेवसाइट विकास गर्दै थप सहजताका साथ व्यवसाय अगाडी बढाउने जनाएको छ । नेपालमा पाइने कच्चा पदार्थबाट बन्ने सबै प्रकार कपडाहरु बनाइरहेको प्लस साइज नेपालले केहि लुगाहरु भने आयात गर्नु नै पर्ने विडम्बना रहेको बताए ।

यसका साथै प्लस साइज नेपालले लेडिजहरुका लागि वान स्टप सोलुसन भन्दै ब्युटि प्रोडक्ट सँगै लुगाको व्यापार गर्दै आएको छ ।