पीएम कपमा आज दुई खेल हुँदै

काठमाडौं । प्रधानमन्त्री कप (पीएम कप) अन्तर्गत आज दुई खेल हुदैछन् । आज पीएम कपमा बागमती प्रदेश र कर्णाली प्रदेशबीच जनकपुरमा खेल हुदैछ ।

जारी पीएम कपमा बागमती प्रदेशले ४ खेलमा ३ खेलमा हार बेहोरेको छ भने एक खेलमा जित हासिल गरेको छ । त्यस्तै कर्णाली प्रदेशले ४ खेलमा एक जित २ हार र एक खेल रद्ध हुदा ३ अंक हासिल गरेको छ ।

त्यस्तै आज अर्को खेल एपीएफ क्लब र लुम्बिनी प्रदेशबीच पर्सामा खेल हुदैछ ।

जारी पीएम कपमा एपीएफले ४ खेलमा एक जित, २ हार र एक खेल रद्ध हुदा ३ अंक हासिल गरेको छ भने लुम्बिनी प्रदेशको ४ खेल एक जित, २ हार र एक खेल रद्ध हुदा ३ अंक हासिल गरेको छ ।

एकदिवसीय फर्म्याटमा खेलिने दुवै खेल बिहान ९ बजेदेखि शुरु हुने नेपाल क्रिकेट संघ (क्यान) ले जनाएको छ ।

प्रतियोगितामा सातै प्रदेशका टिमसहित तीन विभागीय टिम गरी कुल १० टिमको सहभागिता रहनेको । जसमा नेपाल पुलिस क्लब, त्रिभुवन आर्मी क्लब, एपीएफ क्लब, कोशी प्रदेश, मधेश प्रदेश, बागमती प्रदेश, गण्डकी प्रदेश, लुम्बिनी प्रदेश, कर्णाली प्रदेश र सुदूरपश्चिम प्रदेशका टिम रहेका छन् ।

‘सिंगल राउन्ड रोबिन’ प्रणालीको आधारमा हुने यो प्रतियोगिताका दुई शीर्ष टिमले फाइनलको निम्ति प्रतिस्पर्धा गर्ने छन् । पीएम कप अहिलेसम्म विभागीय टिमले मात्र जितेका छन् । नेपाल पुलिस क्लबले सबै भन्दा धेरै ४ पटक जितेको छ भने त्रिभुवन आर्मी र एपीएफ क्लबले २-२ पटक जितेका छन् । पीएम कपको डिफेन्डिङ च्याम्पियन नेपाल पुलिस क्लब रहेको छ ।