प्रधानमन्त्री दाहाल सरे सरकारी निवासमा

काठमाडौं । प्रधानमन्त्री पुष्पकमल दाहाल ‘प्रचण्ड’ बालुवाटारस्थित सरकारी निवासमा सरेका छन् ।

ललितपुरको खुमलटारस्थित निजी निवासबाट उनी आज साँझ सरकारी निवास सरेका हुन् ।

अध्यक्ष दाहाल आइतबार प्रधानमन्त्रीमा नियुक्त भएका छन् ।

उनले सोमबार पद तथा गोपनीयताको शपथ लिएका छन् । निवर्तमान प्रधानमन्त्री शेरबहादुर देउवा बालुवाटार छाडेर धुम्बाराहीस्थित भाडाको घरमा सरेका छन् ।