शनिबार, जेठ १७, २०८२
कर्पोरट खबर
1:14 pm, शुक्रबार, जेठ १६, २०८२
काठमाडौं । विपक्षी दलहरूले गृहमन्त्री रमेश लेखकले राजीनामा नदिएसम्म संसदको अवरोध नखुलाउने अडान लिएका छन् ।
सभामुख देवराज घिमिरेले बोलाएको मुख्य सचेतक र प्रमुख सचेतकहरूको बैठकमा विपक्षी दलहरूले आफ्नो अडान कायम राख्दै गृहमन्त्री लेखकको राजीनामा नआएसम्म संसदको अवरोध कायम राख्ने बताएका छन् ।
राष्ट्रिय स्वतन्त्र पार्टी (रास्वपा) का प्रमुख सचेतक सन्तोष परिवारले आफूहरू आफ्नो अडानमा कायम रहेको र गृहमन्त्री लेखकको राजीनामा नआएसम्म संसदको बैठक अगाडी बढ्न नसक्ने बताउदै आफूहरूसँग भिजिट भिसा प्रकरणमा केही सूचना आएकाले त्यो सूचना संसद बैठकमा राख्ने बताए ।
त्यस्तै, नेपाली कांग्रेसका प्रमुख सचेतक श्याम घिमिरेले बजेट प्रस्तुत गर्न दिएकोमा विपक्षी दलहरूलाई धन्यवाद दिँदै बजेट पारित गर्ने विषय पनि संवैधानिक दायित्व भएकाले यसमा सहयोग हुने विश्वास व्यक्त गरे ।
त्यसैगरी, माओवादी केन्द्रका प्रमुख सचेतक हितराज पाण्डेले बिहीबार आफूले संसदमा राखेको कुरा आजको बैठकमा राखेको बताउँदै गृहमन्त्री लेखकको राजीनामा नआएसम्म अगाडि बढ्न नसक्ने स्पष्ट गरे ।
FACEBOOK COMMENTS