प्रभु महालक्ष्मी लाइफ इन्स्योरेन्सको अध्यक्षमा शिक्षा भट्टचन लिइन् सपथ

काठमाढडौं । प्रभु महालक्ष्मी लाइफ इन्स्योरेन्सको अध्यक्षमा शिक्षा भट्टचनले पद तथा गोपनियताको सपथ लिएकी छन् ।

नेपाल बीमा प्राधिकरणका अध्यक्ष सुर्य प्रसाद सिलवालले प्राधिकरण कार्यालयमा आज उनलाई पद तथा गोपनियताको सपथ ग्रहण गराएका हुन्।

शिक्षा भट्टचन सांसद देवी भट्टचनको छोरी हुन् । यस अघि शिक्षा भट्टचन प्रभु लाइफ इन्स्योरेन्सको अध्यक्ष थिइन् । प्रभु लाइफ इन्स्योरेन्स र महालक्ष्मी लाइफ इन्स्योरेन्स मर्ज भएर प्रभु महालक्ष्मी लाइफ इन्स्योरेन्स बनेपछि उनी अध्यक्ष चयन भएकी हुन् ।

उनले अमेरिकाको न्युयोर्क विश्वविद्यालयबाट साइबर सेक्युरिटीमा मास्टर्स अध्ययन गरेकी छिन् ।

प्रभु महालक्ष्मी लाइफको अन्य संचालकमा उमेशलाल श्रेष्ठ, सुरेश सापकोटा, शुसन शेरचन, शंकर गौतम, र ज्योति शेरचन रहेका छन्।