आइतबार, कात्तिक १६, २०८२
कर्पोरट खबर
8:29 pm, शनिबार, कात्तिक १५, २०८२
काठमाडौं । नेपाल कम्युनिष्ट पार्टी ९माओवादी केन्द्र० का संयोजक पुष्पकमल दाहाल ‘प्रचण्ड’ ले विभिन्न पार्टीसँगको एकता प्रक्रिया ठीक ढङ्गबाट अगाडि बढिरहेको बताएका छन् ।
पेरिसडाँडास्थित पार्टी कार्यालयमा आज बसेको सचिवालय बैठकपछि सञ्चारकर्मीसँग उनले पार्टीभित्र फरक मत राख्दै आएका नेता जनार्दन शर्मा पनि पार्टीको केन्द्रीय समिति बैठकपछि सहमत हुने विश्वास व्यक्त गरे ।
संयोजक दाहालले भनृ, “आजको बैठक राम्रो भएको छ, एकताका लागि पार्टी एकजुट छ । जनार्दनले आफ्नो विषय राख्नुभएको छ,केन्द्रीय समितिको बैठकसम्म उहाँ पनि एक हुनुपर्छ, हुन्छन् भन्ने हामीलाई विश्वास छ ।”
नेता शर्माले आजको सचिवालय बैठकमा नेकपा ९एकीकृत समाजवादी० सँगको एकता प्रक्रिया तत्काल स्थगित गर्नुपर्ने मागसहित आफ्ना कुरा राखेर बैठकबाट बाहिरिए ।
आजको सचिवालय बैठकले माधवकुमार नेपाल नेतृत्वको नेकपा ९एकीकृत समाजवादी० सहित विभिन्न पार्टीसँग चाँडै एकता गर्ने निर्णय गरेको छ ।
FACEBOOK COMMENTS