प्रचण्डले झलनाथलाई भेटी दिए स्वास्थ्य लाभको कामना

काठमाडौँ, भदौ १६ । नेकपा माओवादी केन्द्रका अध्यक्ष पुष्पकमल दाहाल प्रचण्डले नेकपा एकीकृत समाजवादीका वरिष्ठ नेता झलनाथ खनाललाई भेटेका छन्। आज बिहान प्रचण्ड खनाल निवास डल्लु पुगेर भेटेका हुन् ।

भेटमा हालै भारतबाट उपचार गरी फर्केका एकीकृत समाजवादीका वरिष्ठ नेता खनाललाई प्रचण्डले स्वास्थ्य लाभको कामना गरेको उनको सचिवालयले जनायो ।

‘नेकपा (माओवादी केन्द्र ) का अध्यक्ष कमरेड प्रचण्डले नेपाल कम्युनिस्ट पार्टी (एकीकृत समाजवादी) का वरिस्ठ नेता कमरेड झलनाथ खनालको स्वास्थ्य स्थितिबारे जानकारी लिनुभएको छ,’ प्रचण्डको सचिवालयले भनेको छ, ‘आज बिहान डल्लुस्थित कमरेड खनालको निवासमा पुगी अध्यक्षले  उहाँको पूर्ण स्वास्थ्यलाभको कामना गर्नुभयो ।’