प्रचण्डलाइ प्रधानमन्त्री ओलीकाे जवाफ – ‘हामीलाई हतियार कसरी बिसाउन लगाउन पर्छ भन्ने जानेको छाैं’

काठमाडाैँ। प्रधानमन्त्री केपी शर्मा ओलीले पूर्व प्रधानमन्त्री पुष्पकमल दाहाल प्रचण्डले दिएको अभिब्यक्तिको जवाफ दिएका छन् । प्रचण्डले शनिबार काठमाडौंमा गरिएको खबरदारी सभालाई सम्बोधन गर्दै हामीले हतियार मात्र बिसाएका हौं, चलाउन बिर्सेका छैनौं भन्ने अभिब्यक्ति दिएका थिए ।

आइतबार एनआरएनए स्थापना दिवसका अवसरमा आयोजित कार्यक्रमलाई सम्बोधन गर्दै प्रधानमन्त्री ओलीले उहाँले हतियार चलाउन आउँछ भन्नु हुन्छ, हामीलाई त्यस्ता हतियार कसरी बिसाउन लगाउनुपर्छ आउँछ भन्दै जवाफ फर्काएका थिए । उनले भने,‘ ‘हिजो एक जना उफ्रि उफ्रि भाषण गर्दै थिए । हिजो मात्रै देख्या थे । हतियार बिसाएको मात्रै हो भ्रम नरहोस् । चलाउन बिर्ष्या छैन भन्दै थिए । त्यस्तै त्यस्तै त हामी हुनु भएन नी धम्क्याएका भरमा खाने ।’