बालकुमारी घटनाको विरोधमा माइतीघरमा प्रदर्शन, आज पनि प्रहरीको दमन जारी

काठमाडौं । ललितपुरको बालकुमारीमा हिजो शुक्रबार दिउँसो प्रहरीको गोली लागेर दुई युवकको मृत्यु भएको विरोधमा आज शनिबार काठमाडौंको माइतीघरमा विरोध प्रदर्शन भएको छ ।

विभिन्न राजनीतिक दल र तिनका भ्रातृ संगठनहरूले घटनाको विरोध गर्दै घाइतीघरमा प्रदर्शन गरेका हुन् ।

विरोध प्रदर्शनमा उत्रिएका केही युवालाई प्रहरीले पक्राउ गरेको छ । जिल्ला प्रशासन कार्यालय काठमाडौंले एक महिनाअघि माइतीघरमा विरोध प्रदर्शन गर्न रोक लगाए पनि आज विरोध भएको हो ।

पानीजहाज बनाउने कामका लागि कोरियाली भाषा परीक्षा दिएर अनुत्तीर्ण भएका युवाहरूले पुन: परीक्षामा सहभागी हुन पाउनुपर्ने माग गर्दै हिजो बालकुमारीमा प्रदर्शन गरेका थिए । प्रदर्शनमा प्रहरीले गोली र लाठी चार्ज गर्दा दुई युवकको अकालमै ज्यान गएको थियो ।

बालकुमारीमा प्रदर्शनकारीमाथि गोली चलाउन आदेश दिने सुरक्षा अधिकारी निलम्बित

बालकुमारीमा दुई युवाको मृत्युको कारण बन्यो उच्च अदालतको त्यो निर्णय !