प्रकाश सपुतको नयाँ गीत ‘मुटु कट्कै’ सार्वजनिक

काठमाडौं । चर्चित गायक प्रकाश सपुतको नयाँ गीत ‘मुटु कट्कै’ सार्वजनिक भएको छ । गीत गायनमा उनलाई गायक कुशल बेलबासे र प्रताप दासले साथ दिएका छन् ।

सपुतकै शब्द तथा संगीत रहेको गीतमा सुदिप सागरले संगीत संयोजन गरेका हुन् ।

गीतको भिडियोमा प्रकाश सपुत, कुसुम शर्मा, रोशनी कार्की, विजय पुन, प्रविण भट्ट, सुनिल बि.के, प्रखर सपुत, विशाल घिमिरे, मिलन विश्वकर्मालगायत कलाकारको अभिनय देख्न सकिन्छ ।

नवराज उप्रेतीले छायांकन गरेको भिडियो प्रविण भट्टले सम्पादन गरेका छन्। म्युजिक भिडियोमा प्रकाश सपुतले नै निर्देशन रहेको छ ।