प्राइम कमर्सियल बैंकको १४ औं वार्षिक साधारणसभा सम्पन्न

१६ प्रतिशत लाभांश पारित

काठमाडौँ। प्राइम कमर्सियल बैंक लिमिटेडको १४ औं वार्षिक साधारणसभा सम्पन्न भएको छ।

सञ्चालक समितिका अध्यक्ष राजेन्द्रदास श्रेष्ठको अध्यक्षतामा सम्पन्न साधारणसभाले  सिफारिस गरे बमोजिम आर्थिक वर्ष २०७७/ ०७८ को मुनाफाबाट आफ्ना शेयरधनीहरुलाई १६% का दरले रु. २५७.३२ करोड बराबरको बोनस सेयर तथा चुक्ता पुँजीको ०.६३१३ प्रतिशत नगद लाभांश(कर समायोजनार्थ समेत) दिने निर्णय गरेको छ ।

साधारण सभाले बैंकको सञ्चालक समितिको सर्वसाधारण समूहमा सञ्चालक पद –१ मा गजेन्द्र विष्टलाई निर्विरोध निर्वाचित गरेको छ । बिष्ट यस अघि बैँकका सञ्चालक थिए ।