प्रोटोन ई-एमएएस ७ ले २१ दिने नेपाल भ्रमण पूरा गर्‍याे, मार्च २१ मा उद्घाटनको तयारी

काठमाडौं । जगदम्बा मोटर्सले प्रोटोन ईएमएएस-७ को सातवटै प्रदेशहरू पार गर्दै  २१-दिने  यात्रा सफलतापूर्वक सम्पन्न भएको घोषणा गरेको छ।

यो उपलब्धिले विभिन्न भौगोलिक र मौसमी परिस्थितिहरूमा गाडीको उत्कृष्ट प्रदर्शन, विश्वासनीयता  प्रमाण दिएको कम्पनिले बताएकाे छ। प्रोटोन ईएमएएस-७ अब मार्च २१ मा औपचारिक रूपमा सार्वजनिक उद्घाटनका लागि तयार गरिएकाे छ ।

प्रोटोन ई -एमएएस-७ ले आफ्नो क्रस-कन्ट्री यात्रा गाडीको अनुकूलता र सहनशीलता वास्तविक परिस्थितिमा परीक्षण गर्नका लागि सुरु गरेको थियो। तराईका समथर फाँटदेखि हिमाली भूभागका कठोर बाटाहरू हुँदै, यो विद्युतीय सवारीसाधनले विभिन्न भूभागहरूमा आफूलाई सफलतापूर्वक प्रमाणित गर्यो। यस यात्राले स्थानीय समुदायलाई गाडीको उन्नत प्रविधि र वातावरणमैत्री विशेषताहरू प्रत्यक्ष अनुभव गर्ने अवसर पनि प्रदान गर्यो।

‘यो यात्रा प्रोटोन ई-एमएएस-७ को क्षमताको प्रमाण हो र नेपाली बजारका लागि यसको तयारी दर्शाउँछ। हामी यो अत्याधुनिक विद्युतीय सवारीसाधनलाई नेपालमा ल्याउन पाउँदा अत्यन्त उत्साहित छौं, जसले स्थायी, कुशल र किफायती यातायात समाधान प्रदान गर्नेछ,’ जगदम्बा मोटर्स  का कार्यकारी निर्देशक अखिल गुप्ताले भने।

औपचारिक सार्वजनिक उद्घाटन कार्यक्रम मार्च २१ मा काठमाडौंमा आयोजना हुनेछ, जहाँ उद्योगका अगुवा व्यक्तित्वहरू, सरकारी अधिकारीहरू र सर्वसाधारणको उपस्थिति रहनेछ। कार्यक्रममा गाडीको मुख्य विशेषताहरू, प्रविधि र प्रोटोनले नेपालको वातावरणमैत्री यातायातलाई प्रवद्र्धन गर्ने प्रतिबद्धताका बारेमा प्रकाश पारिनेछ।

प्रोटोन ई -एमएएस-७ को सुरुवातसँगै, जगदम्बा मोटर्स प्रा. लि. ले नेपालको मोटर उद्योगमा क्रान्ति ल्याउने लक्ष्य राखेको छ, जसमा प्रदर्शन र आराममा कुनै सम्झौता नगरी वातावरणमैत्री विकल्प प्रदान गरिनेछ। कम्पनीले नेपालको हरित ऊर्जा लक्ष्यलाई समर्थन गर्दै नवप्रवर्तनात्मक विद्युतीय गतिशीलता समाधानहरू मार्फत कार्बन उत्सर्जन घटाउने प्रतिबद्धता जनाएको छ।