लम्बियो रविको हिरासत बसाइ, थप १३ दिन थुनामा राखेर अनुसन्धान गर्न आदेश

काठमाडाैँ। सहकारीकाे रकम अपचलन मुद्दामा पक्राउ परेका पुर्वगृहमन्त्री एवम् राष्ट्रिय स्वतन्त्र पार्टी (रास्वपा) का सभापति रवि लामिछाने हिरासत बसाइ लम्बिएको छ । उनलाई कास्की जिल्ला अदालतले चौथो पटक म्याद थप गर्दै १३ दिन थुनामा राखेर अनुसन्धान गर्न आदेश दिएको हो ।

कात्तिक २ गते काठमाडौंबाट पक्राउ परेका उनलाई पहिलोपटक कात्तिक ४ गते ५ दिनको म्याद थप गरिएको थियो । दोस्रोपटक ७ दिन  र तेस्रोपटक १० दिनको म्याद थप गरिएको थियो ।

उक्त म्याद पनि सकिएपछि रविलाई अदालतमा उपस्थित गराएको हो । रविविरुद्ध कास्की प्रहरीले सहकारी ठगी, संगठित अपराध र सम्पत्ति शुद्धीकरण मुद्दामा अनुसन्धान गरिरहेको छ ।