रूपन्देही जिल्ला अदालतमा हाजिर भए लामिछाने, न्यायाधीश याेगीकाे इजलासमा बयान सुरू

काठमाडाैँ । रास्वपाका सभापति एवम् पूर्व गृहमन्त्री रवि लामिछाने जिल्ला अदालत रुपन्देहीमा हाजिर भएका छन् । बुधवार कार्यालय खुलेलगत्तै लामिछाने हाजिर भएका हुन् । उनीविरुद्ध बुटवलको सुप्रिम ऋण तथा बचत सहकारी संस्थाको रकम ठगी र संगठित अपराधको कसुरमा आइतबार अदालतमा १० करोड ९९ लाख बिगोसहितको मुद्दा दायर भएको थियो ।

यसको प्रतिवादका लागि केही कानुन व्यवसायीको साथमा मङ्गलवार साँझ नै उनी भैरहवामा आइपुगेका थिए । लामिछानेकाे बयान न्यायधीश प्रह्लाद याेगीकाे इजालशमा परेकाे छ । उनकाे अहिले बयान सुरू हुँदै छ ।