सर्वोच्चले माग्यो रविलाई थुनामा पठाउने आदेशको कैफियत प्रतिवेदन

काठमाडौं । सर्वोच्च अदालतले राष्ट्रिय स्वतन्त्र पार्टी (रास्वपा) का सभापति रवि लामिछानेलाई पुर्पक्षका लागि थुनामा पठाउने आदेशको कैफियत प्रतिवेदन माग गरेको छ ।

आज आइतबार सर्वोच्च अदालतका न्यायाधीश टेकप्रसाद ढुङ्गानाको इजलासले निवेदनमा प्रारम्भिक सुनुवाइ गर्दै थुनामा पठाउने आदेशको निर्णय लिँदाको आधारसहितको कैफियत प्रतिवेदन मागेको हो ।

उच्च अदालत तुलसीपुरको बुटवल इजलासले चैत २२ गते लामिछानेलाई पुर्पक्षका लागि थुनामा पठाउन गरेको आदेश बदरको माग गर्दै शुक्रबार लामिछानेका तर्फबाट उनकी पत्नी निकिता पौडेलले सर्वोच्चमा निवेदन दर्ता गराएकी थिइन् ।

लामिछाने अहिले जिल्ला कारागार कार्यालय रुपन्देहीमा थुनामा छन् ।

यसअघि बुटवलस्थित सुप्रिम सहकारीको बचत अपचलनको मुद्दामा गत माघ १३ गते रुपन्देही जिल्ला अदालतले उनलाई एक करोड रुपैयाँ धरौटीमा छा्डन आदेश दिएको थियो । तर, उच्च अदालत तुलसीपुरको बुटवल इजलासले जिल्लाको आदेश उल्टाउँदै लामिछानेलाई पुर्पक्षका लागि थुनामा पठाएको हो ।