गायक रवि ओडविरुद्ध पक्राउ पुर्जी जारी

काठमाडौं । गायक रवि ओडविरुद्ध उनकै श्रीमतीले वैवाहिक बलात्कार आरोपमा जाहेरी दिएकी छिन् ।

ओडकी श्रीमतीले आफूमाथि वैवाहिक बलात्कार गरेको भन्दै चैत २० गते जाहेरी दिएकी हुन् ।

कञ्चनपुरको इलाका प्रहरी कार्यालय झलारीमार्फत ओडपत्नीले जाहेरी दिएको जिल्ला प्रहरी कार्यालय कञ्चनपुरका प्रवक्ता पुष्कर पन्तले जानकारी दिए ।

उनले भने, ‘ रवि ओडको श्रीमतीले चैत २० गते जाहेरी दिनु भएको छ । हामीले अनुसन्धान सुरु गरी सकेका छौँ । अहिले पक्राउ परिसकेका छैन्न । अदालतबाट पक्राउ पुर्जी जारी भने भइसकेको छ ।’

नेपाल आइडल सिजन२– का विजेता ओडको घर कृष्णपुर नगरपालिका, गुलरिया हो । उनी अहिलेसम्म पक्राउ नपरेको प्रहरीले जनाएको छ ।

गायक ओड अहिले कार्यक्रमका लागि जापानमा छन् । उनी थाइल्यान्डबाट जापान पुगेका हुन् ।