पूर्वराजाको स्वागतमा राजेन्द्र लिङ्देन नजाने

काठमाडौं । एक महिनाको पोखरा बसाइपछि आज काठमाडौं फर्किन लागेका पूर्वराजा ज्ञानेन्द्र शाहको स्वागतमा राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देन नजाने भएका छन् ।

प्रर्वराजाको स्वागतका निम्ति उनी नेतृत्वको राप्रपाले मुख्य नेतृत्व सम्हाले पनि लिङ्देन स्वयम् भने राजाको स्वागतमा नजाने भएका हुन् । पार्टीले आजको गतिविधिको जिम्मा प्रमुख सचेतक ज्ञानेन्द्र शाही र प्रवक्ता मोहन श्रेष्ठलाई दिएको छ । उनीहरूले राजाको स्वागतका निम्ति तयारी गरिरहेका छन् ।

यसअघि गत बुधबार राजाको पक्षमा पार्टीले आयोजना गरेको ‘वृहत मोटरसाइकल र्‍याली’मा उनी स्वयम् मोटरसाइकल चढेर सहभागी भएका थिए । तर, आज भने उनी उपस्थित नहुने पार्टीका प्रवक्ता मोहन श्रेष्ठले जानकारी दिए । उनी सहभागी नहुनुको कारण भने खुलाइएको छैन ।

यी समाचार पनि पढ्नुहोस्–

गणतन्त्रवादीहरूको मुटु हल्लाउनेगरी पूर्वराजाको स्वागत गर्दै राजावादीहरू, कहाँ–कहाँबाट निकालिँदैछ र्‍याली ?

आज पूर्वराजा ज्ञानेन्द्र शाह काठमाडौं आउँदै, सेनासहित सबै सुरक्षा संयन्त्र परिचालन हुने

ज्ञानेन्द्रलाई गद्दीमा फर्काउन ‘सुपर स्प्लेन्डर’मा हुँइकिए राजेन्द्र लिङ्देन