राजेन्द्र राउतको नेतृत्वमा महासंघ कोशी प्रदेशको नेतृत्व चयन

काठमाडौं । नेपाल उद्योग वाणिज्य महासंघ कोशी प्रदेशको अध्यक्षमा राजेन्द्र राउत निर्वाचित भएका छन् । उनी निर्विरोध निर्वाचित भएका हुन् ।

यसअघि उपाध्यक्ष रहेका राउत अहिले अध्यक्ष बनेका छन् । उपाध्यक्ष जिल्ला नगरतर्फ भीम पौडेल, एसोसिएट्समा कुमार मणि पौडेल, कोषाध्यक्षमा सुवास आचार्य निर्वाचित भएका छन् ।

सदस्यहरुमा विरेन्द्र साह, पृतम खड्गी, प्रकाश सिवाकोटी, ऋषि तिम्लिसिना, धुब्र श्रेष्ठ, राजन श्रेष्ठ, दिपक पाण्डे, रविनकुमार दाहाल, भवेशकुमार श्रेष्ठ, श्रवणकुमार अग्रवाल सर्वसम्मत निर्वाचित भएका छन् ।

राउत महासंघको आसन्न निर्वाचनमा वरिष्ठ उपाध्यक्षका उम्मेदवार उमेशलाल श्रेष्ठको समर्थनमा देखिएको छन् । कोशी प्रदेशमा राउत निर्वाचित भएसँगै उमेशलाल समुहलाई जिल्ला नगरका साथै एसोसिएट्समा समेत सहयोग पुग्ने आंकलन गरिएको छ ।