सरकार र राष्ट्र बैंकले अर्थतन्त्रमा समस्या छ भनेर स्वीकार्नुको विकल्प छैन : राजेश अग्रवाल

काठमाडौं । नेपाल उद्योग परिसंघका अध्यक्ष राजेश अग्रवालले अर्थतन्त्र सुधारका लागि जे गर्छन्, पशुपतिनाथले गर्छन् भनेर बस्न नहुने बताएका छन् ।

नेपाल आर्थिक पत्रकार समाज सेजनको २७ औं वार्षिक साधारणसभा तथा अवार्ड वितरण समारोहमा अग्रवालले यस्तो बताएका हुन् ।

उनले राष्ट्र बैंकको सञ्चालक समितिको सदस्य पहुँचका आधारमा भन्दा पनि विज्ञताका आधारमा नियुक्ति दिलाउन उनले आग्रह गरे । राष्ट्र बैंक माइक्रो म्यानेजमेन्टतिर लाग्न नहुने अग्रवालले बताए ।

नेपाल धितोपत्र बोर्डका अध्यक्ष रमेश हमालले नेपालमा झन्झटिलो प्रक्रियाका कारण लगानी भित्रिन नसकेको बताए । नेपालले लघु घरेलु तथा साना उद्योगमा (एमएसएमइज)मा ध्यान दिनुपर्ने सुझाव उनले दिए ।

त्यस्तै चेम्बर अफ कमर्सका अध्यक्ष राजेन्द्र मल्लले राष्ट्र बैंकले ऋणीका जमानतलाई कालोसूचीमा राख्ने विषयमा राष्ट्र बैंकले गरेको संशोधन स्वागतयोग्य रहेको धारणा राखेका छन् ।