महानगर प्रहरी प्रमुख पाण्डेले प्रशासकीय अधिकृतसँग मागे माफी

काठमाडौं । महानगर प्रहरी प्रमुख राजुनाथ पाण्डेले काठमाडौं महानगरपालिकाका प्रशासकीय अधिकृत सँग माफी मागेका छन् ।
पाण्डेले प्रशासकीय अधिकृत सरोज गुरागाईको कार्यकक्षमा गएर बिहीवारको व्यवहारप्रति माफी मागेका हुन् ।

महानगरका एक अधिकारीले भने–आज राम्रोसँग कार्यालय सन्चालन भयो । केही गडबडी हुन्छ कि भनेर हामी विभिन्न कार्यक्षेत्रमा भएका कर्मचारी पनि महानगरपालिकाको कार्यालयमा गएका थियौं । राजु पाण्डेजीले प्रशासकीय प्रमुखलाई सलाम ठोकेरै अघिल्लो दिनको व्यवहार र आफ्नो बाध्यता सुनाउँदै माफी माग्नुभयो ।