राजु गुरुंगको उम्मेदवारी खारेजी, विष्णु पाैडेललाई भयाे यस्ताे फाइदा

काठमाडौं । सर्वोच्च अदालतले रुपन्देही क्षेत्र नम्बर २ का प्रतिनिधिसभाका उम्मेदवार राजु गुरुंगको उम्मेदवारी खारेजीलाई सदर गरेको छ । रुपन्देही क्षेत्र नम्बर २ का गठबन्धनका उम्मेदवार राजु गुरुङको उम्मेदवारी खारेज गर्ने निर्वाचन आयोगको निर्णयलाई सदर गर्दै सर्वोच्च अदालतले यसअघिको अल्पकालीन अन्तरिम आदेश पनि खारेज गरेको छ ।

आयोगले बैंकिङ कसूरमा सजाय पाएका र अदालतमा मुद्दा खेपिरहेका नेकपा एसका उम्मेदवार गुरुङको उम्मेदवारी निर्वाचन ऐन २०७४ बमोजिम खारेज गरेको थियो । त्यसविरुद्ध गुरुङले दायर गरेको रिटको प्रारम्भिक सुनुवाइ गर्दै न्यायाधीश विश्वम्भर श्रेष्ठको एकल इजलासले सो निर्णय कार्यन्वयन नगर्न अल्पकालीन अन्तरिम आदेश दिएको थियो ।

शुक्रवार दुवै पक्षको बहसपछि न्यायाधीश ईश्वर खतिवडा र कुमार रेग्मीको इजलासले गुरुङको उम्मेदवारी कानूनविपरीत देखिएको भन्दै अल्पकालीन अन्तरिम आदेश निरन्तर जान नसक्ने भनेको हो । सर्वोच्चको यो आदेशसँगै गुरुङ अब उम्मेदवार रहेनन् । सो क्षेत्रमा एमालेका उपाध्यक्ष विष्णु पौडेल उम्मेदवार छन् ।

पौडेललाई टक्कर दिने त्याहाँ गुरूंगबाहेक अन्य प्रतिस्तर्ध नै छैनन् सरन नै हाे । अन्य प्रतिस्पर्धि भएपनि गुरूंग भने उनका मूख्य प्रतिस्पर्धि हुन् । गुरूंगकाे उम्मेदवारी खारेज पाैडेललाइ चुनाव जित्न थप सहज हुने भएकाे छ।

अदालतले कानूनद्धारा तोकिएको कालोसूचीमा नाम समावेश रहेको सम्बन्धी अयोग्यता राजु गुरुङमा कायम रहेको देखिएकाले उम्मेदवार हुन नपाउने ठहर गरेको छ ।