रामचन्द्र पाैडेलकाे आफ्नै समूहका शेखर काेइरालालाई कमजाेर पार्ने रणनीति फेल

पाेखरा मंसिर १५,  नेपाली कांग्रेसको १४औँ महाधिवेशनमा सभापतिमा आकांक्षा देखाउनु भए नेता डा शेखर काेइरालालाई कमजाेर पार्ने साेही समूहका वरिष्ठ नेता रामचन्द्र पाैडेलकाे रणनीति फेल खान पुगेकाे छ ।

मोरङमा भइरहेको जिल्ला अधिवेशनमा केन्द्रीय सभापतिका आकांक्षी डा. कोइरालालाई कमजोर देखाउन पार्टी सभापति शेरबहादुर देउवा र वरिष्ठ नेता पौडेल पक्षबीचकाे चुनावी तालमेलले फेल खाएको छ ।

पहिलो चरणकाे मतदानले जिल्ला सभापतिकाे छिनाेफानाे गर्न नसकेपछि मंगलबार भएको दोस्रो चरणको निर्वाचनमा देउवा र पौडेल पक्षबीच तालमेल भएको थियो । केन्द्रीय सभापतिका आकांक्षीसमेत रहनुभएका कोइराला पक्षका उमेदवारलाई हराएर शेखरको गृहजिल्लामै कमजोर छन भन्ने सन्देस दिन खोजिए पनि मगलबारको मतपरीणामले तालमेललाई उल्टाइदिएको छ ।

पहिलो चरणमा संस्थापन देउवा पक्षका दिलीप गच्छदार, संस्थापनइतर कोइराला पक्षका डिकबहादुर लिम्बु र कृष्णप्रसाद सिटौला पक्षका यदु विष्टबीच प्रतिस्पर्धा भएको थियो । पहिलो चरणको चुनावमा लिम्बुले सर्वाधिक १ हजार ५४४, गच्छदारले १ हजार १६६ र विष्टले ५६३ मत ल्याउनु भयाे । कुनै पनि उम्मेदवारले ५१ प्रतिशत मत ल्याउन नसकेकाले मंगलवार पुनः मतदान भएको थियो ।

मगलबार भएको मतदानमा कोइराला पक्षका लिम्बुलाई घेराबन्दी  गरे पनि मतदाताले भने त्यसलाई विफल बनाइदिएका छन ।  मंगलबार मध्यरातमा सार्वजनिक मतपरीणाम अनुसार लिम्बुले १ हजार ९ सय ६ मत प्राप्त गरी जिल्ला सभापतिमा विजयी हुँदा गच्छदारले १ हजार ४२५ मत पाए ।

मंसिर १२ गते भएको मतदानमा तेस्रो मत प्राप्त गर्नुभएका विष्टले संस्थापन पक्षका गच्छदारलाई समर्थन गर्नुभएकाे थियाे । विराटनगर महानगरका मेयर भीम पराजुलीले पनि शेखर कोइरालाको साथ छाडेर सिटौलाको क्याम्पमा गई गच्छदारलाई समर्थन गर्नुभएकाे छ ।  प्रकाशमान सिंह निकट राजु मास्केले पनि गच्छदारलाई समर्थन गर्नुभएकाे छ । सभापतिका आकांक्षी डा. शेखर कोइरालाको गृहजिल्ला मोरङमा उहाँ समर्थित उम्मेदवार लिम्बुलाई पराजित गर्न देउवा, पौडेल, सिटौला पक्ष सबै एक ठाउँमा आउनु भएकाे थियाे ।