छाउगोठ बनाउने र बस्न बाध्य पार्नेलाई सरकारी सुविधामा पुनर्विचार गर्छौं : गृहमन्त्री

काठमाडौं । गृहमन्त्री रमेश लेखकले छाउगोठ बनाउने र महिनावारी हुँदा छाउगोठमा बस्न बाध्य पार्नेलाई स्थानीय तहबाट पाउने निश्चित सुविधामा पुनर्विचार गर्ने गरी मुलुकभरका स्थानीय तहलाई परिपत्र गरिने बताएका छन् ।

बिहीबार अन्तरपार्टी महिला सञ्जालका पदाधिकारीहरूसितको भेटघाटमा मन्त्री लेखकले सङ्घीय मामिला तथा सामान्य प्रशासन मन्त्रालयलाई अनुरोध गरी देशभरका स्थानीय तहलाई यस्तो परिपत्र गर्ने गरी गृहकार्य गरिने बताए ।

उनले भने, ‘महिनावारीमा ठूलो अन्धविश्वासले काम गरेको छ । यसको निर्मूलीकरणका लागि कसरी अगाडि बढ्ने अन्तरपार्टी महिला सञ्जालको पनि सहयोग र सुझाव आवश्यक छ ।’

महिलामाथि हुने हिंसा, बलात्कार लगायतका घटनामा सरकार गम्भीर रहेको मन्त्री लेखकको भनाइ छ । उनले भने, ‘महिलाहरूको मर्यादा, गरिमा, स्वाभिमान र सुरक्षामा गम्भीर छु । अपराध गर्नेहरूलाई कारबाहीको दायरामा ल्याउने काम पनि भइरहेको छ ।’

सो क्रममा अन्तरपार्टी महिला सञ्जालकी अध्यक्ष ममता गिरीसहितको टोलीले महिला तथा बालबालिकामाथि हुने गरेको विभेद र हिंसाका घटनाहरू बढिरहेको भन्दै त्यसको नियन्त्रणका लागि मन्त्री लेखकलाई ज्ञापनपत्र बुझाएका छन् ।

Shorts

बैंकहरूले घटाए निक्षेपको ब्याजदर

गाभिए आईएमई पे र खल्ती, ‘खल्ती बाइ आईएमई’ को नाममा कारोबार सुरू

गएको आर्थिक वर्ष ११ खर्ब ७८ अर्ब राजस्व सङ्कलन

सबै सार्वजनिक निकायका भुक्तानी अनलाइनबाट

सिद्धबाबा सुरुङमार्गको भौतिक प्रगति ५७ प्रतिशत

पहिलो नेपाली टक शो ‘ह्याप्पी शो अष्ट्रेलिया’ सार्वजनिक

मुस्ताङको कोराला नाका पूर्ण सञ्चालनमा ल्याउछौँ : प्रधानमन्त्री ओली

राजीनामा दिएका मन्त्री राजकुमार गुप्तालाई पक्राउ गर्न ज्ञानेन्द्र शाहीको माग

बरुण हाइड्रोपावरको हकप्रद शेयर बिक्री खुला

साउनदेखि सबै सरकारी भुक्तानी अनलाइनबाट हुने