शुक्रबार, मंसिर १९, २०८२
कर्पोरट खबर
1:54 pm, शुक्रबार, मंसिर १९, २०८२
स्याङ्जा । जबरजस्ती करणी मुद्दाका फरार प्रतिवादी साविक स्याङ्जा पुतलीबजार नगरपालिका–८ हाल सोही नगरपालिका–१४ पिपलडाली बस्ने ५७ वर्षीय मेग बहादुर भुजेललाई प्रहरीले पक्राउ गरेको छ ।
पुतलीबजार नगरपालिका–१४ स्थित वनमा ११ वर्षीया बालिकालाई २०६९ भदौ २७ गते जबरजस्ती करणी गरेको घटनामा जिल्ला अदातल स्याङ्जाको २०७३ मंसिर २३ गतेको फैसलाले उक्त मुद्दामा १५ वर्ष कैद सजाय ठहर भई फरार रहेका उनलाई जिल्ला प्रहरी कार्यालय स्याङ्जाबाट खटिएको प्रहरीले पक्राउ गरेको हो ।
उनलाई फैसला कार्यान्वयनको लागि जिल्ला अदालत स्याङ्जामा पेश गरिएकोमा अदालतको आदेशले कैद भुक्तानको लागि जिल्ला कारागार स्याङ्जा पठाइएको जनाएको छ ।
FACEBOOK COMMENTS