घरमै लगेर किशोरी बलात्कार आरोपमा एक जना पक्राउ

पाल्पा । पाल्पामा १६ वर्षीया किशोरी बलात्कृत भएकी छिन् ।

ती किशोरीलाई बलात्कार गरेको अभियोगमा रामपुर नगरपालिका–५ पारी बेझाड बस्ने २५ वर्षीय विक्की दमाईलाई शुक्रबार साँझ प्रहरीले पक्राउ गरेको छ ।

दमाईले ती किशोरीलाई ललाई फकाई जेठ ३ गते आफ्नै घरमा लगि जबरजस्ती करणी गरेको इलाका प्रहरी कार्यालय रामपुरले जनाएको छ ।

घटना सम्बन्धमा प्रहरीले आवश्यक अनुसन्धान गरिरहेको बताएको छ ।