राष्ट्र बैंकले ५ वर्षका लागि १० अर्ब रुपैयाँको विकास ऋणपत्र जारी गर्ने

काठमाडौँ । नेपाल राष्ट्र बैंकले १० अर्ब रुपैयाँ बराबरको ५ वर्षे विकास ऋणपत्र जारी गर्ने भएको छ ।

बैंकले आगामी माघ २५ गते विकास ऋणपत्र २०८५ ‘ज’ जारी गर्ने भएको हो ।

इच्छुक बैंक तथा वित्तीय संस्था, गैर–बैंक वित्तीय संस्था, बीमा कम्पनी, संगठित संस्था तथा नेपाली नागरिकले तोकिएको समयभित्र बोलकबोल पेस गर्न बैंकले आह्वान गरेको छ ।

बैंकको सूचना अनुसार जेठ २ गते देखि अनलाइन दरखास्त दिन सक्नेछन् । विकास ऋणपत्रको निष्काशन भने जेठ ३ गते हुनेछ ।