शनिबार, कात्तिक ८, २०८२
कर्पोरट खबर
9:58 am, आइतबार, असोज १९, २०८२
काठमाडौं । रौतहटमा शनिबार साँझ हावाहुरी र अविरल वर्षासँग परेको चट्याङ लागेर तीन जनाको मृत्यु भएको छ भने प्रहरीको उपकरणमा समेत क्षति पुगेको छ।
जिल्ला प्रहरी प्रवक्ता डिएसपी राजु कार्कीका अनुसार शनिवार साँझ ६ बजे परेको चट्याङ लागेर कटहरिया नगरपालिका २ हंथियाहि गाउँका दुईजना र भारतीय सिमानासँग जोडिएको ईशनाथ नगरपालिका ८ मनसरी गाउँका एकजना गरी तीन जनाको मृत्यु भएको हो।
मृत्यु हुनेमा कटहरिया २ का वर्ष १६ क सेराज लहेरी र वर्ष १६ को नवीन यादव रहेका छन्। उनीहरू घर बाहिर घुमिरहेको अवस्थामा चट्याङ लागेर मृत्यु भएको थियो।
त्यसैगरी ईशनाथ ८ का ४५ बर्षीय ननक भन्ने शेख जमरुन आफ्नै घरको बरन्डामा बसिरहँदा शनिबार साँझ चट्याङ लागेर मृत्यु भएको थियो। मृतक तीन जनाको शव राति नै पोष्टमार्टमको लागि प्रादेशिक अस्पताल गौरमा लागिएको प्रवक्ता कार्कीले जानकारी दिएका छन्।
त्यस्तै वर्षासँगै चट्याङ लागेर इलाका प्रहरी कार्यालय शिवनगरको कार्यालय भित्र रहेको इन्भर्टर १ थान र १२ भोल्टको ब्याट्रीमा क्षति पुगेको प्रहरीले जनाएको छ।
FACEBOOK COMMENTS