‘रियलमी १२ प्रो प्लस’ अब चाँडै नेपाली बजारमा आउँदै, के–के छन् विशेषता ? कति पर्ला मूल्य ?

काठमाडौं । स्मार्टफोन ब्राण्ड रियलमीले ‘रियलमी १२ प्रो प्लस’ चाँडै नेपाली बजारमा ल्याउने भएको छ ।

आकर्षक डिजाइन तथा अत्याधुनिक प्रविधिको साथ ग्राहकहरूको मन जित्दै ‘रियलमी १२ प्रो प्लस’ले नेपालको स्मार्टफोन बजारमा नयाँ तरङ्ग ल्याउने अपेक्षा रियलमीको छ ।

डिजाइन र डिस्प्ले

‘रियलमी १२ प्रो प्लस’मा ६.७ इन्चको सुपर एमोलेड डिस्प्ले तथा फुल एचडी रिजोलुसन रहेको छ जसले प्रयोगकर्ताहरूलाई रङ्गिन तथा सार्प कन्ट्रास्ट स्क्रिनको अनुभव प्रदान गर्दछ । फोनसँगको हरेक अन्तरक्रियालाई रमाइलो बनाउनको लागि ‘रियलमी १२ प्रो प्लस’मा १२० हर्जको रिफ्रेस रेट राखिएको छ ।

दमदार पर्फर्मेन्स तथा स्टोरेज

क्वाल्कम स्न्याप ड्रयागन ७ एस जेन २ प्रोसेसर तथा ४ एनएम अक्टा सीपीयूमा चल्ने ‘रियलमी १२ प्रो प्लस’मा धेरै एपहरू चलाउँदा पनि एकदमै छिटो काम गर्छ । यो फोनमा १२ जिबीको र्यामसँग ५१२ जीबीको आन्तरिक स्टोरेज दिइएको छ जुन आवश्यकता अनुसार २४ जिबीसम्म बढाउन पनि सकिन्छ ।

अत्याधुनिक क्यामेरा

फोटोग्राफी तथा भिडिओ निर्माणमा चाख राख्नेहरूका लागि ‘रियलमी १२ प्रो प्लस’को क्यामेरा अति उपयोगी हुन्छ । ६४ मेगापिक्सेलको पेरिस्कोप क्यामेरा, ओम्नि भिजन ओभि६४बी सेन्सर र ओआईएस, अत्यधिक सफा फोटोको लागि ५० मेगापिक्सेलको सोनि आईएमएक्स ८९० ओआईएस क्यामरा, ८ मेगा पिक्सेलको ११२ डिग्रीको वाइड एङ्गल क्यामरा र ३२ मेगा पिक्सेलका सोनी आईएमएक्स ६१५ सेल्फी क्यामेरा जस्ता अत्याधुनिक सुविधाहरू ‘रियलमी १२ प्रो प्लस’मा उपलब्ध छ । यी अत्याधुनिक क्यामेराहरूले प्रयोगकर्तालाई अटो जुम, सुपर नाइटस्केप, स्टारी मोड प्रो तथा फोर के भिडिओ रेकर्डिङ्ग जस्ता फिचरहरू प्रदान गर्दछ ।

टिकाउ ब्याट्री तथा सुपरफास्ट चार्जिङ्ग

६७ वाटको सुपरभोक सुपरफास्ट चार्जिङ्गयुक्त ५,००० एमएएचको ब्याट्रीले गर्दा ‘रियलमी १२ प्रो प्लस’का प्रयोगकर्ताहरूले थोरै समय चार्ज गरेरै धेरै समयसम्म फोन चलाउन सक्छन् । यो फोनको खरिदमा ६७ वाटको सुपरभोक चार्जिङ्ग एडप्टर तथा यूएसबी टाइप–सी केबल निःशुल्क पाइन्छ ।

नेपालमा ‘रियलमी १२ प्रो प्लस’को १२ जीबी र्याम र २५६ जिबी स्टोरेजको भेरियन्ट उपलब्ध हुने अनुमान गरिएको छ । भारतीय बजारमा ३३ हजार ९९९ भारु तोकिएको यो भेरियन्टको मूल्य नेपाली बजारमा ६१ हजार ९९९ रूपैयाँ तोकिने अनुमान गरिएको छ ।